Leiṭha zawrh leh hralh dan sawiho

Lawngtlai District Vigilance Commitee on Fertilizer chu an chairman Donny Lalruatsanga, bawrhsap hoin nimin khan an ṭhu a; leiṭha (fertilizer) zawrh leh hralh dan tur leh, thlaia intodelhna tura hmalak dan tur an sawiho.

Bawrhsap chuan, kut hnathawktute'n ṭha zawka thlai an thar theih nan leiṭha pek chhuah dan a pawimawh thu a sawi a, "Kharif season (monsoon) thlai chi thlak a hun leh mai dawn a, Lawngtlai district-in a mamawh zat leiṭha pek theih tura hmalak a ni a, Mizoram sorkarah mamawh angte thlen a ni tawh a, a mawhphurtuten theihtawp an chhuah a ṭul," a ti.

Ei leh bara Lawngtlai district-in khamkhawp a thar theih nan lo/huan neitute an pawimawh thu sawiin Lawngtlai DC chuan ṭhahnemngai taka thawk turin a fuih a; district pawn lam aṭangin thlai la lut loa mahni intodelh tura ṭan lak a ṭul thu leh thlai chìnna hmun tihzauh pawh a ṭul a sawi.

Ṭhutkhawmah hian Assam Rifles, Horticulture department, Agriculture department leh LADC-a Taxation department aiawhte an tel a ni.