Union MoS-in Saitual district a tlawh

Sorkar laipuia Jal Shakti minister of state Dr Raj Bushan Choudhary chuan nimin khan Saitual district a tlawh a, sorkar department hotute leh khawtlang hruaitute kâwmin, Sihfaa khuaa Jal Jeevan Mission (JJM) scheme hnuaia water reservoir sakte leh Saitual District Hospital-te a tlawh.

Saitual district-a sorkar department hotute leh khawtlang hruaitute chuan Dr Raj Bushan Choudhary hnenah an mamawhte leh harsatna an tawhte an lo thlen. Saitual district-in kawng hrang hranga hma a sawn theih nan pui turin a inhuam thu leh theihtawp a chhuah zel tur thu Raj Bushan Choudhary chuan a sawi.

Inkawmhonaah hian Saitual district bawrhsap Srinivas Sadi chuan department hrang hrang hnathawhte a sawifiah a ni.