Cheng nuai 20 hû heroin man

Mizoram Police chuan April 6-7, 2026 chhung khan Champhai daia hmun pahnihah cheng nuai 20 vel hû heroin an man a, ruihhlo kaihhnawihah mi pali an man.

Police thuchhuah tarlan danin, April 6, 2026 zing dar 7 khan Champhai police-te'n Khankawna police check gate-a tlan tlang tur an enfiahnaah Champhai aṭanga Aizawl pan tur maxicab MZ-02 B-0743 chhungah Lalpekṭhuama (30), Seling nia insawi hnen aṭangin heroin gram 52 an man a, Rs 10,40,000 hûa chhût a ni.

April 7, Thawhlehni tlai dar 4:30 vel khan Champhai police-te chuan Khankawn check gate piah, Chhungte daiah kawng sira ṭhu Lalbuatsaiha (21), Tlangsam khua nia insawi hnen aṭangin heroin gram 48 (hawng 4) an man a; ₹ 9,60,000 hûa chhût a ni. Police-te chuan an chhui zuina aṭangin inhnamhnawiha puh mi dang pahnih - Lawmnasanga (40), Khawhai leh Lalrinthangi (35), Tlangsam nia insawite an man leh bawk.

Ruihhlo man avang hian police-te chuan Champhai Police Station-ah NDPS Act Section 21(b) tlawhchhanin thubuai an ziak lut a ni.