Mizoram FSL Asst. Director-in Best Oral Presentation lawmman dawng

Mizoram Forensic Science Laboratory (FSL) assistant director Ammie Lalnunpuii chuan April 7-8, 2026 chhunga Forensic Science Labora­tory, Patna-a Satel­lite Conference (SetCon) on Forensic Biological Sciences-ah Best Oral Presentation (Professional Category)-ah pahnihna a ni.

Satellite Conference (SetCon) on Forensic Biological Sciences hi India rama Forensic, DNA-a thawkte tana India ram pum huapa Forensic Biological Science puala inkhawmpui buatsaih vawi khatna niin, mi 150 vel an tel a, abstract 47 a lut. Abstract ṭha zual 18 thlante'n inkhawmpuiah presentation an nei a, Ammie Lalnunpuii chu a ti ṭha ber dawttuah thlan a ni.

Mizoram FSL-ah hian director T Lalropuia hoin forensic expert 14 an awm mek a; Mizoram FSL hian fingerprint thiamna hmangin India ram pumah lawmman kum 2017 leh 2023 khan an lo la tawh bawk.