AMC EVM thliar

Aizawl municipal election officer Lalhriatpuia, district bawrhsap hoin nimin khan DC meeting hall-ah AMC inthlanpuia hman tur electronic voting machine thlanna leh sem darhna (randomization) neih a ni a; sorkar hotute leh political party - INC, BJP, MNF leh ZPM aiawhte an tel.

AMC inthlanpuiah hian voter verifiable paper audit trail hman a ni dawn lo a; nimina EVM thliarnaah hian balloting unit 359 leh control unit 352 thliar a ni.