Nungcha humhalh turin ngen

Association for Envi­ron­mental Preservation (ASEP) chuan Aizawl South-III constituency chhungah bialtu MLA Baryl Vanneihsangi bultumin nungcha humhalhna campaign an kalpui mek a; Aizawl South-III bial chu nungchaa hausa tak a la nih avangin bial chhunga nungcha awmte humhalh turin bial leh Mizoram mipui an ngen.

ASEP thuchhuah chuan, Aizawl South-III bial chhungah Mizoram state animal Saza a la tam nia sawiin, "Ramsa váng tawh tak ramsial hial pawh a awmna hmun a nih avangin, he bial chhunga nungcha awm ang angte humhalh tlat turin bial mipui leh Zoram mipuite ASEP chuan kan sawm tak meuh meuh a ni," an ti.