MP-in veng 2 hnenah lirthei a pe

Lok Sabha MP Richard Vanlalhmangaiha chuan April 11, Inrinni khan Republic Vengthlang leh Upper Republic Veng YMA hnenah Mahindra Bolero pick-up pakhat ve ve a pe a; bialtu MLA C Lalsawivunga leh khawtlang hruaitute'n an dawng.

Richard Vanlalhmangaiha chuan, veng pahnih hnenah lirthei a pe thei chu a lawm thu sawiin, "Thilpek hi MP Local Area Development aṭanga kan inpek a ni. He scheme hi mipui sum a ni a, mipui tana ṭangkai taka hman tur a nih avangin khawtlang tan a huam zau thei ang bera hman ka beisei," a ti a; khawtlang mamawh hrang hrangah ṭangkai taka hman a nih a beisei thu a sawi.

Lirthei inhlannaah bialtu MLA C Lalsawivunga leh khawtlang hruaitute'n thu an sawi bawk.