KHAWTHLIR

Thisen pe

April 11, Inrinni khan Civil Hospital, Aizawl tan KṬP, Bethlehem North Branch chuan thisen unit 28 an pe a, petute mipa 26 leh hmeichhia pahnih an ni. ṬKP, Ṭhuampui Unit member mipa pasarih leh hmeichhia pakhat ten unit riat an pe bawk.

Burma pawisa man

Assam Rifles sipaite chuan Zawngling ram chhunga lirthei tlan vel endikna an siamah April 10, 2026 khan Kenbo bike-a tlan mi pahnih hnen aṭangin Myanmar pawisa Kyat 4,04,71,000 leh methamphetamine mum 185 an man. Myanmar pawisa an man hi India pawisain Rs 17,93,654 hû a ni. AR-te hian an thil man leh a kengtute chu Tuipang Police Station hnenah an hlan.

SS hall a kâng

Nimin zing dar 5:40 vel khan Vaṭhuampuia Baptist Church of Mizoram (BCM) Sunday School hall a kang a, bungrua chuh hman lohin a kâng ral. Bungrua kâng chhe zingah generator thar (la hman loh) leh generator hman lai te, keyboard, steel almirah leh lehkha pawimawh tam tak a tel.

Thlai chi sem

Champhai South bialtu MLA Lt. Col Clement Lalhmingthanga chuan April 10, 2026 khan Champhai Circuit House-ah Agricultural Technology Management Agency kaltlangin kut hnathawktu mi 300 chuang hnenah fûr thlai - vaimim, zikhlum leh tomato chi (seed) a sem. MLA chuan, thlai chi an sem chu a chi ṭha a nih thu sawiin, theihtawpa a vil zui tur thu a sawi.

Saturation Drive

Lunglei District Agriculture Office, Lungsen Block Agricultural Technology Management Agency leh Patanjali chuan April 10, 2026 khan Tlabungah RKVY hnuaia lei (soil) hriselna chungchang zirhona leh PM Kisan Saturation Drive an buatsaih. Drive-ah hian Tlabung RD Block chhunga kut hnathawktu mi 60 an tel a; mithiamte'n lei hrisel dan leh lei ṭhat dan te, oil palm chin dan te an zirtir a ni.