UESI Mizoram-in Annual Council hmang

Union of Evangelical Students of India (UESI), Mizoram chuan April 9-10, 2026 chhung khan English Congregation, Mission Vengah State Annual Council vawi 14-na an hmang.

Inkhawmpuiah hian college hrang hranga Evangelical Union (EU) hruaitute leh EGF (EU zirlaite enkawltu graduate-te) an tel a, palai zawng zawng mi 150 an ni. Inkhawmpui thupui chu 'Equip and enlarge' (rawngbawlna zau zawk atan a inbuatsaih leh inchher hriam) tih a ni a, speaker chu National UESI Mizoram staff in-charge PM Philip a ni.

Kum 2026-2027 chhunga UESI Mizoram rawngbawlna turte an rel a; kum 2026-2028 chhunga hruaitu tur thlangin, president atan Dr Ramdinthara Sailo thlan a ni.

UESI hi Mizoramah November 22, 1975 khan din a ni a, district hrang hranga higher secondary school leh college hrang hrangah rawngbawlna an kalpui a ni.