Zirna kawng inkawhhmuhna buatsaih

Bethlehem Vengthlang Branch YMA chuan April 10, 2026 zan khan an YMA pisaah an venga pawl 10 leh 12 result nghak mekte tan 'Zirna kawng inkawhhmuhna' (career awareness) an buatsaih.

Zirna kawng inkawhhmuhnaah hian zirlai ṭhahnem tak an tel an tel a, YMA president Ralṭhuama Ralte-in a kaihruai. Bethlehem Vengthlanga officer pahnih - Lalrammuani Hnamte, MCS leh Lalthlamuana, MPS ten zirna chungchanga an tawnhriat te, zirlaite kal zelna tura pawimawhte an sawi.

Lalrammuani Hnamte chuan, zirna kawtchhuah pawimawh ber chu pawl 10 leh 12 a nih thu sawiin, zir chhunzawmna tura pawimawh leh hna zawn dan thlenga hriat tur thu pawimawhte a sawi a; Lalthlamuana'n powerpoint presentation hmangin subject thlan dan leh exam hrang hrang hmachhawn tura pawimawhte a sawi thung.