CAB dodalna hrang hrangte thláwp

Serchhip Block ZPM chuan thuchhuah siamin, Citizenship (Amendment) Bill (CAB) pawm a ni ta chu pawi an tih thu leh, CAB pass a nih vanga dodalna leh lungawi lohna hrang hrangte an thláwp thu an tarlang.

Serchhip ZPM chuan, Mizote ang thoa hnam tênau zawk leh chîmral mai hlauhthawnawma ding mek state dangte'n CAB pass a nih loh nan nasa taka an dodal thu sawiin, "Chhiatna hrang hrang leh nunna hial chánte pawh an awm phah laia keini sorkar, MNF sorkarin CAB pass a nih theih nana bán an phar ta mai hi a zahthlakin a lung­chhiatthlak tak zet. Bán phar tura thu­tlukna siamtu MNF sorkar hi an dem­awm tak zet a ni," a ti.

Kum 30 chhunga Mizorama sorkarna chelhtu political party pahnih - Congress leh MNF party kaihhruaina dik lo lutuk avangin Mizoram chu a intodelh lo hle tih sawiin Serchhip ZPM chuan, "Kan rethei em em reng a, central sorkar 

aṭanga pawisa sawi chhuah mai loh chu tih theih kan nei lo a, chu bak innghahna tur kan la nei lo a ni," an ti a; central sum ît vanga ram leh hnam hralhah MNF sorkar an puh.