Sorkar rate zawmtu damdawi-in an pung

Health & Family Welfare department chuan thuchhuah siamin,Mizoram State Health Care Scheme atana Mizoram sorkarin rate a bituk chu private hospital zingah zawmtu an awm belh zel niin an tarlang a, "Heng damdawi-inahte hian sorkar hnathawk medical reimbursement leh health care scheme a hman theih dawn bakah, ABPMJAY golden card pawh a hman theih tawh ang," an ti. 

Health department tarlan danin, medical reimbursement tihna tura Mizoram sorkarin rate a siam chu December 18, 2019 khan private hospital pathum - Siahaa Maraland Gospel Centenary Hospital, Serchhipa Mercy Hospital leh Champhaia DM Hospital ten an zawm a ni.

Private hospital zinga Mizoram sorkar rate zawm tawhte chu - Aizawl aṭangin Nazareth Hospital Chaltlang, Eye Care Centre, JC Eye Clinic, BN Hospital, Alpha Hospital, Bethesda Hospital leh Med-Aim Adventist Hospital, Lunglei 

aṭangin Hope Hospital, Christian Hospital leh Faith Hospital, Kolasib-a Nazareth Nursing Home, Lawngtlaia Christian Hospital leh LCMC-te a ni.