Ruihhlo man dan thlirlêt

Excise & Narcotics department (END) officer-te chuan nimin khan commissioner Ngurchungnunga Sailo hoin an conference hall-ah crime review meeting an nei a, kum­in chhunga Aizawl district chhunga zu leh ruihhlo an man dan an thlirlêt.

Meeting-a tarlan danin, Aizawl hnai kawtchhuah hmun hrang hrangah leh Mizoram chhunga station hrang hrangah lirthei khalhtute zu leh ruihhlo laka an fihlim leh fihlim loh endik hna an thawk mek a ni. Zu leh ruihhlo dang bawhchhiate chungah khauh taka hma la zel turin crime review meeting-ah hian an infuih a; Mizo mipuite'n hunpui lo thleng tur lungmuang taka an hman theih ṭheuhna turin END chuan mipui puihna leh ṭawiawmna an ngen bawk.