Oil leh gas-ah chîàina tur awm lo

Food, Civil Supplies & Consumer Affairs (FCSCA) department chuan April 12, 2026-a eirawngbawlna gas leh tuialhthei dinhmun tarlangin, tun dinhmunah eirawngbawlna gas leh tuialhtheiah chîâina tur a awm lo tih an tarlang.

FCSCA department chuan, tunlai geo-politics (ram leh ram inkar) vanga ei rawngbawlna gas leh tuialhtheia harsatna thleng thei lakah Mizoram sorkar chuan ngawrh takin hma a la reng tih sawiin, "Tun dinhmunah chiaina tur a awm lo," an ti.

Supply department tarlan danin, April 12, 2026 khan eirawngbawlna gas distributor-te kudamah gas bûr 15,100 a awm bakah, Mizoram pan mek bûr 33,244 a awm a, chu'ngte chu Mizoram tan ni ruk tla a ni.

Petrol chu filling station-ah kilo litre 1,262 leh Mizoram pan mek kilo litre 536 awmin, chu'ngte chu Mizoram ni 7.84 tla a ni a; filling station-ah diesel kilo litre 1,386.60 leh Mizoram pan mek kilo litre 2,027.60 awmin, Mizoram tan ni 5.79 tla a ni.