ACB-in thubuai 13 an chhui mek

Anti Corruption Bureau (ACB) SP Lalbiakkila chuan, ACB-in eirukna thubuai chhui mek 13 leh preliminary enquiry tih mek case 10 an neih thu a tarlang.

ACB hian April 10, 2026 khan an conference hall-ah an hnathawh thlir letna hun, Work Review Meeting an nei a; Vigilance secretary Dr YLN Reddy-a'n a kaihruai. ACB SP tarlan danin, ACB-in eiruk thubuai 13 chhui mekin, preliminary enquiry tih mek 10 an nei a; thubuai an chhui zawh tawh court-a inchiah mek pasarih a awm.

Vigilance secretary Dr YLN Reddy chuan, ACB-a thawkte thawhrimna fakawm a tih thu sawiin, ṭan la zel tur leh thubuai an chhuite a rang lama chhui zawh tum ṭhin turin a chah a; zirlaite zinga corruption ṭhat lohzia inzirtirna campaign an kalpui chu ṭha a tih thu leh, district dangahte pawh kalpui zel tum a nih thu a sawi.