Excise Commissioner-in Mamita an pisa enfiah

Excise & Narcotics commissioner Z Lalhmangaiha leh inspecting staff-te chuan nimin khan Mamita Excise & Narcotics pisa an tlawh a, annual inspection hun an hmanpui.

Z Lalhmangaiha chuan Excise & Narcotics enforcement staff-te endikin, mahni hna ṭheuhah tui taka thawk tur leh ruihhlo laka inveng chunga khawtlang leh ram tana thawk turin a fuih a, "Hna thawk ṭha duh lo tan chuan voluntary-a bàn dil mai a ṭha zawk," tiin, department tihmingchhe zawnga awm lo turin a chah.

Excise Commissioner hian inspection a neihpui zawhah END, Mamita thawktute'n sawi duh an neihte a ngaithla a; zawhna hrang hrangte a chhang bawk.