KHAWTHLIR

Thisen pe

Helen Lowry Higher Secondary School NSS chuan nimin khan an sikulah thisen pek an huaihawt a, mipa 32 leh hmeichhia panga ten Civil Hospital, Aizawl tan thisen unit 37 an pe.

MZU symposium

Mizoram University-a Faculty and Student Fraternity chuan April 14, Thawhlehni khan India Constitution duangtu Dr BR Ambedkar leh Mahatma Jyotirao Phule te pian champha pualin symposium leh open discussion hun MZU Guest House Conference Hall-ah an buatsaih. MZU-a thawk mi za chuang an tel a; MZU pro-vice chancellor Prof. Pravakar Rath leh RIPANS director Prof. Sanjay Sawant ten an hmanpui a ni.

Computer sem

Mamit district bawrhsap Suvigya S Chandra chuan nimin khan DC conference hall-ah Rashtriya Gram Swaraj Abhiyan scheme kaltlangin Mamit district-a village council 18 hnenah computer a sem. Bawrhsap chuan, khawl hmang ṭangkai thei tura inzir turin VC-te a chah a ni.

Duty tur thliarna

AMC inthlanpui neih tura duty tur presiding officer leh polling officer-te duty-na tur chu nimin khan general observer Lalnunhlua hoin computer hmanga thliar vawi hnihna neih a ni. Randomisation-ah hian inthlan kaihhnawih official-te bakah, political party pali - INC, BJP, MNF leh ZPM aiawhte an tel a; final randomisation chu April 18, 2026-ah tih a ni ang.

Dan inzirtir

Kawrthah Forest Division chuan nimin khan Kawrthah Hmarveng YMA Rûnah khawtlang leh tlawmngai pawl hruaitute pualin forest dan leh hrai inzirtirna an buatsaih a, Kawrthah DFO Karthikeyan V-in a hmanpui. Forest department chunga lungawi lohna leh harsatna tawhte kal khawmte chuan an sawi a, chinfel dan turte sawiho a ni.