Kawngpui siam danah lungawi loin Zobawkah total bandh huaihawt a ni

Lunglei Zobawk Joint YMA chuan an khaw chhung kawng siam danah an lungawi loh avangin nimin zing dar 6 aṭang khan an khuaah total bandh an huaihawt.

Zobawk Joint YMA hian an khaw chhunga National Nighway (NH)-2 siam chungchangah an ngennain awmzia a nei loa an hriat bakah, an duh anga hnathawh a nih loh avangin total bandh an huaihawt a ni. Total bandh avang hian buaina chhuak a awm lo.

Total bandh huaihawt a nih hma hian, YMA-te'n total bandh huai-hawt an tum tih hriain kawng enkawltu National Highways and Infras-tructure Development Corporation Limited (NHIDCL) chuan April 13, 2026 aṭang khan hna an thawk chhunzawm a, khawlte pawh an dah belh.

Zobawk Joint YMA hruaitute chuan, vawi tam tak an lo ngen tawhnain awmzia a neih ngai loh avang leh tun hma aṭang tawhin lungawi lohna lantir an tum avang chauha hna an thawk ṭhin chu an hrethiam lo a, total bandh an kaltlangpui tih an sawi.

He thu ziah lai hian Zobawk Joint YMA hruaitute chuan an kal zel dan tur an ngaihtuah a, an thutlukna kan hre hman lo.