AMC home voting zawh a ni

Taksa harsatna leh bawrh­sawmna vanga Aizawl Municipal Corporation inthlana vote thlakna hmun pan ve thei lote tana in lama vote an thlakna, home voting chu nimin khan zawh a ni a; home voting ti tura dil mi 2,768 zinga 2,594-in vote an thlak.

Home voting hi April 13-16, 2026 chhung buaipui a ni a, AMC ward tinaah team pakhat zel an awm. Home voting tih dil mi 2,768 zinga mi 2,594-in vote an thlak a, vote tla 93.71% a ni. Vote thlak lo mi 174 an awm a, chungte chu vote thlak leh duh lo te, damlohna avanga inentira chhuakte leh, a ṭhen chu vote thlak hmaa thite an ni.