MUHCS-ah card siam a nga

Mizoram sorkar chuan Mizoram Universal Healthcare Scheme (MUHCS) 2.0 hmang turin sorkar hnathawk (nghet leh nghet lo) leh pawisa pea inziak lut (general beneficiary) te chuan MUHCS card an neih hmasak ngei a ngaih thu a tarlang.

Sorkar thuchhuah chuan, MUHCS card hi https://muhcs.mizoram.gov.in/ ah mahnia siam theih a nih bakah, common service centre (CSC) leh damdawi-in luh rualin empanelled hospital-ah siam theih a nih thu a tarlang a, "CSS/GIA, pensioner leh AB PM-JAY (Golden Card) hmang thei tan erawh MUHCS card siam a ngai lo. CSS/GIA leh pensioner tan MUHCS subscription form hmangin MUHCS hnuaiah enkawlna an dawng thei a, AB PM-JAY chhungkua tan golden card hmangin MUHCS hnuaiah enkawlna a dawn theih bawk," a ti.

MUHCS card siam hun bituk a awm loh thu leh mahni remchan dana siam mai theih a nih thu a tarlang bawk.