Thing upa leh hlu bik zuah turin ngen

Mizoram Transformation Movement (MTM) chuan thuchhuah siamin, Aizawla Assam Rifles chhuahsan tak hmuna thing eng emaw zat kih tum a ni chu pawi an tih thu leh, thing upa leh hlu bikte chu zuah ni se an duh thu an tarlang.

MTM chuan, AR hmun hluia thingte chu kit loa hum hram dan zawn a pawimawh an tih thu an sawi a, "Kawngpui zauh hi thil pawimawh leh ṭul tak a ni a, mahse, thing upa, lian leh hlu tak takte hi kit lo hian kawng zauh dan zawn a ni em? Ngaihtuahna hmang ṭha lehin, thing kit tam lo zawnga hmalak dan tur kawng zawn hrâm ni se," an ti.

AR chhuahsan rama project pawimawh, ‘Upgradation and widening of main road at AR area, Aizawl’ kalpui mek chu fîm taka ngaihtuah ṭha leh tur leh, thing a tlem thei ang ber kit a, thing lian leh hlu tak takte chu zuah an duh thu leh an phut thu MTM chuan an tarlang bawk.