Run For Nutrition Marathon

Women & Child Development department leh A-City Run Club chuan April 18, Inrinni khan Poshan Pakhwada 2026 Run For Nutrition Marathon an buatsaih a, WCD joint secretary Zonunthari'n MINECO Open Gym tualzawl aṭangin a vailiam. 

Marathon-ah hian mi 624 an tel a; WCD director Zoramthangi Chhangte kaihhruaiin kal khawmte chuan hriselna atan ei leh in ṭha leh thianghlim ngai pawimawh turin thu an tiam. Marathon-ah hian mipa category (open), hmeichhe category (open) leh sub junior category-ah te intihsiak a ni.