Animal Health Camp

Environment Forest & Climate Chance leh AH & Vety department leh College of Veterinary Sciences & Animal Husbandry, Selesih te chuan April 15-16, 2026 khan Khawnglung Wildlife Sanctuary depa khaw pathum - Pangzawl, Rawpui leh Bungtlang khuaah Animal Health Camp an buatsaih.

Health Camp-ah hian African Swine Fever (ASF), ramsa leh ransa aṭanga mihring kai theih natna (zoonotic disease) chungchang leh, mihring hriselna leh dam khawchhuahna atana ei leh in, ran enkawl dan, ramngaw leh nungcha humhalh dan pawimawhnate inzirtir a ni. Ui â hri danna damdawi (vaccine) 87 leh vawk CSF (Classical Swine Fever) vaccine 19 pek a ni a; a thlawna damdawi pek leh ran enkawl tur hruai zawng zawng chu 1,833 a ni.

Animal Health Camp hi CSS-IDWH hnuaia ruahman a ni a, ran enkawl dan hrilhfiahna lehkhabu tê sem a ni bawk.