CYMA-in ambulance an hlan

Central YMA chuan Reliance Foundation leh Formosa Foundation India aṭanga an dawn ambulance, Bolero Neo-te chu April 18, Inrinni khan YMA group pariat hnenah an hlan.

Ambulance pek YMA group pariatte chu - Tuipuiral, Tuichangral North, Zawlbuk, Tuivai, Kawlkulh, Vanapa, Tuiphal leh Chalfilh group-te an ni.

Ambulance hlanna inkhawm hi Keifang Venghlun Branch YMA Zawlbûkah buatsaih a ni a, Saitual Sub-Headquarters YMA president Lalruatkima'n a kaihruai. Formosa Foundation India chairman Jonathan Lalremruata leh CYMA president R Lalngheta ten thu an sawi.