NHRM Special Monitor a rawn zin

National Human Rights Commission (NHRM) special monitor Dr Poonam Malakondaiah chu Mizorama ni thum châm turin nimin khan Aizawl a rawn thleng a; Women & Child Devlopment leh School Education department hotute'n an lo dawngsawng.

Social Welfare secretary Lalzarmawii kaihhruaiin nimin tlai khan Dr Poonam Mala-kondaiah hian Women & Child Development leh School Education department hotute a kâwm.

Inkawmhonaah hian department pahnihte'n presentation neiin, Mizoram dinhmunte an lo hrilhfiah a; hmalak zel dan turte sawiho a ni. Mizoram chu early childhood education kalpuinaah a ti ṭha pawl ni mah se, hmasawnna tur tam tak a la awm thu Dr Poonam Malakondaiah chuan a sawi.

NHRM Special Monitor hian Early Childhood Education lam thlûr bingin, anganwadi centre leh elementary school kalpui dan a rawn zir chiang dawn a; vawiinah Saitual a tlawh ang a, naktukah Reiek a tlawh leh ang.

Dr Poonam Malakon-daiah hian khua a tlawh-ahte hian anganwadi centre leh primary/middle school ṭhenkhat a tlawh dawn a; Mizorama zirna bul ṭanna lam kalpui dan te, zirna-in vawn thianghlim dan te, Midday Meal Scheme kalpui dan te, nutrition leh hriselna lama an dinhmunte a enfiah dawn a ni.