Chetsualna vangin mi 2 an thi

April 19, Pathianni zan leh nimin khan Mizoram hmun hnihah lirtheia chetsualna leh luia chetsualna avangin mi pahnih an thi.

Vanlalzawmi (21) w/o Jonathan Lalmawizuala, Kolasib chu scooter-a a pasal nen an chetsual avangin April 19 zan dar 8:30 vel khan a thi. Thu dawn danin, Vanlalzawmi te nupa hi Thenzawla an chhungte tlawh tura kal an ni a, Sialsuk daiah kawng thlangah an tlan liam. Chetsualna hmunah Vanlalzawmi a thi a, Jonathan Lalmawizuala erawh chu a hliam na lutuk lo. Vanlalzawmi ruang hi endik (postmortem) a nih hnuah an khua panpui a ni.

Nimin chawhma dar 11 vel khan Samuel Lalrinchhana (17) s/o VL Ṭhavela, Lungmawi chu Khawthlasang liah a chesual a, he thu ziah lai thleng hian hmuh a la ni lo.

Thu dawn danin, Ṭhalai Kristian Pawl (ṬKP), Lungmawi Unit chuan Pathianni khan South Chawngtui ṬKP an tlawh a; nimina an haw tur chu S Chawngtui rama Khawhthlasangah pêngin, Khawhthlasang li-ah an cheng a ni. Samuel Lalrinchhana hi li lai a thlen hnu lawkah a tâlbuai a, a ṭhiante'n chhan tum mahse an chhan thei lo.

Lungmawi ṬKP member-te chuan South Chawngtui YMA an pun a, Tuipui South khuaa tuithiamte an chah bawk a; Hnahthial police-te pawh thil ṭulte buaipui turin chetsualna hmunah an kal bawk.