Vawiina AMC inthlan neih tur atana nihna tichiangtua hman theih tichhuak

State Election Commission (SEC) chuan vawiina Aizawl Municipal Corporation inthlanpui neih tura vote thlak turte'n an nihna tichiangtu atana an hman theihte a tichhuak.

Vote thlakna atana nihna tichiangtu atana hman theih tarlan zinga eng emaw ber hman tur a nih thu tarlangin SEC chuan, "Heng document-te hmang loa vote thlaktir an awm a, vote inthlaksak leh thil dik lo hmuh chhuah a nih chuan presiding officer leh polling officer ten mawh an phur ang," a ti.

SEC tarlan danin, polling officer, candidate, election agent, polling agent leh mipui (voter) ten vote thlak ni hian vote thlakna hmun (polling station)-ah mobile phone an ken luh khap a ni a; presiding officer-te chuan report an pek a ngaih avangin an ken luh phal a ni thung.

Vote thlaknaa mahni nihna tichiangtu atana hman theih zinga langsar zualte chu - voter identity card (EPIC), Aadhaar card, passport, driving license, PAN card, sorkar hnuaia thawkte tan service ID card, passbook, pension document, student ID card te a ni.