KPP Inkhawmpui thlen dan tur rêl

Serchhip district bawrhsap Paul L Khuma hoin nimin khan October 2026-a Serchhip Leisekawt Field-a neih tur Rampum Huap Kristian Pavalai Pawl Inkhawmpui atana inpuahchahna kaihhnawihah sorkar hotu te, P&E Veng VC leh Organizing Committee hruaitute an ṭhukhawm a; mikhual tana nuam zawka hmunhma buatsaih dan turte an sawiho.

Ṭhutkhawmah hian mipuite’n zan thimah pawh him leh hahdam zawka Leisekawt Field an thlen theih nana Serchhip IOC Veng leh Bazar Veng inkara kawng tihênna (street light) vuah belh chungchang te, pavilion chei ṭhat dan tur te, zunram thiarna chei ṭhat dan tur te, chawlh hahdamna siam dan tur te, field hungna lungrem mawi zawka chei dan turte sawiho a ni bawk.

Serchhip Bawrhsap chuan, hmalakna turte hi Serchhip khua tana hmasawnna pawimawh a nih avangin chak taka bawhzui a nih tur thu a sawi.