MJWS General Body Meeting neih a ni

Mizoram Journalists' Welfare Society (MJWS) chuan nimin khan IPR Auditorium-ah General Body Meeting an hmang a; MJWS Constitution & Rules tihdanglam rawtnate leh thil pawimawh dangte an ngaihtuah.

MJWS General Body Meeting hi MJWS chairman Betsy Zothanpari Sailo, IPR secretary-in a kaihruai a; MJWS member secretary K Vanlalsangi, IPR director leh MJA president Vanlalrema Vantawl ten thuhmahruai sawiin, MJWS nihphung, a huam chin leh a hnuaia MJA member-te tana hamṭhatna awmte an sawi.

Ṭhutkhawmah hian MJWS Constitution & Rules tihdanglam rawtnate leh journalist kaihhnawih thil pawimawh chi hrang hrangte ngaihtuah a ni a; Rules tihdanglam tura an rêlte chu sorkarah thlen leh tur a ni.

MJWS GB Meeting-a ngaihtuahte

1. MJA MJA member-te MUHCS 2.0-a inziah luh chungchang

2. MJWS annual fee tihpun chungchang

3. MJWS family declaration ennawn

4. Journalist thite sorkarin a râlna (ex-gratia) tihpun chungchang

5. MJWS aṭanga MJA member-te damdawi-ina an inenkawlna senso phûhrukna (ṭanpuina) - medical financial assistance tihpun

6. MJWS Rules anga sorkarin MJWS tana sum a dah (grant in aid)-te a zavaia MJWS hnena pek nghal

7. Mizoram Journalist Pension Scheme 2023 budget head hrana dah