Krismas thilpek atan mi 184-in thisen pe tawh

Association for Volun-tary Blood Donation (AVBD) leh Aizawla blood bank pahnihte'n a bik taka Krismas puala thisen pek hun an buatsaihah nimin thleng khan mi 184-in thisen an pe tawh. AVBD chuan Krismas puala thisen pe zel turin Mizoram ṭhalaite an sáwm a ni.

Kumin Krismas puala a bik taka thisen pek hun hi December 9, 2019 khan ṭan a ni a, December 31 thleng neih a ni ang. Nimin thleng khan Aizawl Civil Hospital-ah mi 162-in thisen an pe tawh a, Synod Hospital-ah chuan mi 24-in thisen pe tawhin, mipa 14 leh hmeichhia 10 an ni.

AVBD chuan Mizoram ṭhalaite chu Krismas thilpek atan damlo thisen mamawhte tan phal taka thisen pe zel turin an ngen a; Krismas puala thisen pekah hian thisen petute chu ei leh in tur tuihnai bik pek ṭhin an nih bakah, HDFC Bank-in an tum thilpek (gift) ṭha tak pek zel an nih thu an sawi.