RD department-in award an dawng

Sorkar laipuia Ministry of Rural Development chuan December 18, Nilaini khan New Delhi-ah Annual Award 2019 an sem a; Mizoram sorkara Rural Development department chuan lawmman pakua an dawng.

Award sem inkhawmah hian meeting neih nghal a ni a; Ministry of Rural Development secretary Amarjeet Sinha chuan MGNREGS hnuaiah Mizoram chu mipui inhlawhna atana a pawm tawh cheng nuai 175 bakah, ni 100 inhlawh theihna atan cheng nuai 22.83 a pek belh a ni.

Award sem leh meeting-ah hian RD secretary Lalhmingthanga, joint secretary C Lalchhuangkima, under secretary Zoremthara Ralte leh Aizawl DRDA project director Dr Andrew H Vanlaldikate an tel.

Mizoram sorkara Rural Develop­ment department-in national award an dawnte chu a hnuaia mite hi an ni.

    State Level:

1.    Implementation of Secure – 1st position among hilly states

2.    Works Completion - 1st position among hilly states

.    District Level:

1.    Works Completion - 1st position among hilly states (Champhai district)

    Village Level:

1.    Best Performing Gram Pan­chayat/ Sarpanch State in Implementa­tion of MGNREGS – 3rd position among hilly states (Khawpuar, Darlawn, Aizawl district)

National Rural Livelihoods Mission, Ministry of Rural Development hnuaia thematic hrang hrang award dawng turin India ram pumpuiah state pakua thlan chhuah a ni a, Mizoram State Rural Livelihoods Mission chu Award for Financial Inclusion-ah a ti ṭha ber Gold Category a ni.

PMAY(G)

Individual Award to Field Functio­naries for Excellent Work

1.    Robert Lalramchuana,

    Khamrang VCP

2.    Zirsangliani, VLAA, 

    Serchhip RD Block

Overall Performance (small states/UT) - Lawmman pahnihna

Mizoramin lawmman pathumna a dawng