Sikulah tui tihthianghlimna hlan

Young Indians (Yi) Mizoram Chapter chuan CSR fund kaltlangin nimin khan Mizorama sorkar sikul panga hnenah tui tihthianghlimna, RO Water Filter an hlan a; School Education director Angela Zothanpuii'n an department conference hall aṭangin a vailiam.

Yi Mizoram Chapter hian he hmalakna atana sum mamawhte chu Fossils Group, Chennai CSR fund aṭanga an hmuh a ni a; tui tihthianghlimna an sem rual hian, sikul an tlawhte hnenah football, basketball leh vitamin hrang hrang an sem nghal a ni.

Yi Mizoram Chapter hian ram hmasawnna atan kawng hrang hrangin hma an la ṭhin a, kuminah pawh project eng emaw zat an tihlawhtling tawh a ni.