ZMCH-ah World Autism Month hmang

Zoram Medical College & Hospital (ZMCH)-a Department of Paediatrics & Psychiatry bultumin nimin khan ZMCH Lecture Hall-ah World Autism Month hman a ni a, thupui chu 'Autism and humanity - Every life has a value' tih a ni.

World Autism Month hmanna inkhawm hi ZMCH dean Prof. Benjamin Lalrinpuia'n a kaihruai a, ZMCH Pediatrics head of department Prof. F Elizabeth Lalhmangaihzuali'n thupui a sawifiah. ZMCH director Prof. Zoramthara Zadeng leh registrar Prof. Zorinsangi Varte ten an hmanpui a; ZMCH faculty leh doctor te bakah, specialist zirlai, MBBS internship ti mekte leh MBBS zirlaite an tel.

Psychiatry department HoD Dr Lalhriatpuia leh pediatrics Dr Cindy Lalramchuani ten autism lan chhuah dan te, a hluar tawh dan te, harsatna a ken tel theih te, hriat chhuah a nih theih dante leh hriat chhuah hma a pawimawhnate an sawifiah a ni.