MRB-in DMR dept motor an hlan
Mizoram Rural Bank (MRB) chuan nimin khan corporate social respon-sibility (CSR) kaltlangin Disaster Management & Rehabilitation (DMR) department hnenah Thar Roxx 4x4 an hlan.
Thilpek hlan inkhawm MRB pisaa neihah DMR minister Prof. Lalnilawma chuan, MRB-ten thilpek hlu tak DMR department an pe chu lawmawm a tih thu sawiin, ram hmasawnna tur atana a biala hmalakna tur chhawpchhuah a neih mekte tarlangin, chungah pawh chuan MRB chu thawhpui turin a sawm nghal a ni.
MRB general manager Saibal Kanti pawhin thu sawiin, "MRB hi mipuite tana luang chhuak ṭhin bank a ni. Bana Kaih Scheme kaltlangin mi 280 hnenah loan cheng vbc 21 chuang kan pe tawh a, hei hi loan pek tawh zawng zawng aṭangin 68.13% a ni. DMR dept-in MRB hi an department sum enkawltu atan min ring ngam a, heng deposit hmang hian loan hmangin chanhai zawkte khaichhuah an ni ṭhin," a ti.
Inkhawm kaihruaitu MRB CSR Committee secretary V Lalrinmawia chuan bank profit aṭanga chhûta CSR kaltlanga pawl, khawtlang leh sorkar office hrang hrang tana an luanchhuah ṭhin tawh thu leh kumin pawh hian cheng nuai 100 chuang hmanral a nih thu a tarlang.