Police insawnte insawnna senso Cheng nuai 212.40 sorkarin a la bá

Mizoram sorkar chuan kumin 2019 chhungin Home department-a thawk police, hmun danga insawnte insawnna senso (bill) mi 343 hnenah an pe tawh a, mi 628-te insawnna senso a la batsak thung.

Kumin November thlaa Mi­zoram Legislative Assembly session-a Dr Vanlalthlana zawhna ziaka chhangtu Home minister Lalchamliana tarlan danin, kumin chhunga police insawnte insawnna senso sorkarin a pek tawh chu mi 343 hnenah Rs. 1,26,69,575 a ni a, mi 628-te insawnna senso Rs. 2,12,40,093 erawh chu a la ba a ni.

Kum 2019 chhungin police zinga assistant commandant leh a chung lamah mi 75-in transfer bill an nei a, bill 75 aṭangin bill 60 chu pek tawh niin, sum pek zat chu Rs. 46,95,902 a ni. Bill 15 erawh chu Assembly session-a zawhna chhan laiin thehluh a la ni lo.

Kum 2019 chhung vekin assis­tant commandant aia hniamah transfer bill 896 a lut a, chuta sum zat chu Rs. 2,81,31,716 a ni. Bill lut aṭang hian bill 283 pek ni tawhin, chu chu Rs. 79,73,673 a ni a; Assembly session lai thlengin bill 613 la pek loh a ni thung.

Mizoram sorkarin a pawm tâk, Bengal Eastern Frontier Regulation, 1873 zûlzuia Mizoram official map siamṭhat a ni tawh em, tih zawhna chu Home Minister chuan, "Tun dinhmunah Mizoram sorkarin BERF 1873 tlawhchhan hian official map siam tumna a nei lo," tiin a chháng a ni.