KHAWTHLIR

Vawiin chawhma dar 10:30 aṭang hian 8th Mizoram Legislative 

Assembly 5th Sessionṭan a ni dawn. TuN ṭum session hian March 4, 2020 thleng a awh dawn a, February 19 ah budget pharh a ni ang. Hriat theih chinah tun 

ṭum session atan hian zawhna House-a chhan chin (starred question) 432 leh ziaka chhan chin (unstarred question) 239 a lut. Session neih a nih dawn avang hian session chhungin Aizawl District Magistrate chuan Head Post Office, Treasury Square, Aizawl aṭanga Raj Bhawan chhimlam gate inkarah van­tlang, politics, sakhuana leh thil dang avang­in mi panga aia tam punkhawm leh beng­chheng siam a khap.

Lalrinawma (38) s/o Lalngaihawma, Venghnuai chu Inrinni zan khan Sikulpuikawn­ah bike-in a chesual a, Aizawl Hospital panpui a nih hnuah a hliam tuar loin a thi. Lalrinawma hi motor-in a su nia hriat a ni a, a sutu motor hi he thuziah lai thleng hian hriat a la ni lo.

Traffic SP chuan thupek chhuahin, SIPMIU (NFRCCDIP), Aizawl chuan February 18, Thawhlehni zing dar 10:30 aṭangin Edenthar Veng, Lalṭhuama in bul aṭanga Chanmari West UPC biak-in bul inkarah tui pipe phum hna an thawh dawn avangin hnathawh tibuai theiturin kawngpui sirah hian lirthei leh bungrua dah a khap. Thupek hian hna thawh zawh a nih hma zawng a huam ang.

Champhai Excise & Narcotics enforcement staff-te chuan Inrinni khan Ṭiau kawng Hruaikawn pengah heroin hawng hnih leh a neitua puh Lalhmingthanga (25), New Champhai an man. Heroin an man tak hi tualchhunga hralhna ang chuan Rs. 60,000 hu a ni.

February 15, Inrinni khan Champhai-III Project hnuaia Khawzawl leh Ngaizawl khuaa Watershed Committee-ten lo leh huan neitu an thlan chhuahte hnenah Integrated Watershed Management Programme (IWMP)/Pradhan Matri Krishi Sinchai Yojana (PMKSY) kaltlangin tui pipe an sem. Khawzawl aṭangin mi 47 leh Ngaizawl aṭangin mi 10, an vaiin kuthnathawktu 57 te hnenah tui pipe roll 110 sem a ni.motor hi he thuziah lai thleng hian hriat a la ni lo.