Pawl parukin thisen an pe

April 25, Inrinni khan pawl hrang hrangin thisen an pe. Dinthar Bial PYD member-te'n Civil Hospital, Aizawl tan unit 51 pein, petute mipa 44 leh hmeichhia pasarih an ni a; Aibawk Branch YMA-in ZMCH tan unit 66 pein, petute mipa 44 leh hmeichhia 22 an ni.

Tuipuiral Zirlai Pawl chuan thisen pek huaihawtin, Synod Hospital tan unit 40 an pe a, petute mipa 33 leh hmeichhia paruk an ni. TKP, Lunglei Electric Veng Bialin Lunglei Civil Hospital tan unit 34 pein, petute mipa 23 leh hmeichhia 11 an ni a; Salvation Army Youth Serchhip Corps-in Serchhip District Hospital tan unit 18 an pe a, petute mipa 13 leh hmeichhia panga an ni. ECM Zyhno Pastor Bial KTP-in Siaha District Hospital tan thisen an pe bawk.