MUHCS-ah inziak lut an pung; Inziah luh hun hawn zel a ni

Mizoram Universal Healthcare Scheme (MUHCS)-ah inziah luhna hun hawn zel a ni a; mipui náwlpui zingah kum 2025-26 aiin inziak lut chhungkaw 15,509-in an an tam tawh zawk.

MUHCS 2.0-ah hian hriat theih chinah chhungkua 35,722 an inziak lut tawh a, mi 1,70,121 an ni. Kum 2025-26-a inziak lut zat chhungkaw 20,213 aiin MUHCS 2.0-a inziak lut hi chhungkaw 15,525-in an tam tawh a ni.

MUHCS 2.0-ah hian a tirah chuan April 15, 2026 thleng inziah luhna hun hawn a ni a, June thlaah khawngaihna hun (grace period) hawn a, a hmaa inziah luhna let zela inziah luh leh theih tura ruahman a ni.

Mipui leh pawl aṭanga ngenna an dawn avangin Mizoram sorkar chuan MUHCS 2.0-a inziah luh hun chu May 15, 2026 thleng a pawtsei a, grace period hawn a ni tawh dawn lo thung.

Tarlan tawh ṭhin angin, MUHCS-ah hian sorkar hnathawk leh AB-PMJAY scheme hmanga golden card neite chu an inziah luh ngai a ngai lo a, an tel sa a ni.