NE state 5-a PM SHRI school-a zirtirtu leh zirlaite pualin mentoring session buatsaih

Department of School Education and Literacy, All India Council for Technical Education (AICTE) leh Ministry of Education-a Innovation Cell te chuan nimin khan NIT, Mizoram behchhanin Bawngkawn South YMA Hall-ah PM SHRI School-a zirtirtute tan Regional Mentoring Session an buatsaih a, April 30, 2026 thleng a awh ang.

PM SHRI School Regional Mentoring Session hawnna inkhawm hi NIT Mizoram dean (Academics) Prof. Sukanta Roy-a'n a kaihruai a; Mizoram Samagra Shiksha deputy state project director Andrew Lalrintluanga, Mizorama PM SHRI state nodal officer ni bawk chu khuallian a ni.

Session-ah hian hmarchhak state panga – Mizoram, Tripura, Nagaland, Arunachal Pradesh leh Meghalaya aṭanga PM SHRI school principal, zirtirtu leh zirlai mi 100 vel an tel a; NIT Mizoram registrar Prof. Ajmal Koya Pulikkal a tel bawk.

Mentoring Session neih chhungin Wadhwani Foundation expert Gauri Gopinath leh Dr K Abhraham te, Mizoram SCERT-a PC Lalrintlunga leh Lailen Consulting chief executive officer Alan Lalhriatpuia ten thil pawimawhte an zirtirna dawn a ni.