2025-26 chhungin Hnahthial dist-ah HIV vei mi 18 hmuh chhuah a ni

Hnahthial District AIDS Prevention & Control Committee chu nimin khan additional DC Zothanmawia Khiangte kaihhruaiin an ṭhukhawm a; sorkar kum liam ta 2025-26 chhungin Hnahthial district-ah HIV vei mi 18 hmuh chhuah a nih thu tarlan niin, nau pai pathum an tel.

Ṭhutkhawma tarlan danin, April 2025 - March 2026 inkarah Hnahthial district-ah HIV/AIDS vei mi 18 hmuh chhuahte chu mipa 10 leh hmeichhia pariat an ni a, hmeichhia pariat zinga pathum chu nau pai an ni. Mi 18 zinga 73.30% chu mipat hmeichhiatna aṭanga kai an ni a, 26.70% chu inchiuna hriau thianghlim lo hman aṭanga kai an ni.

Kum 2025-26 chhunga Hnahthial district-a HIV/AIDS vei hmuh thar zinga 6.70% chu kum 15-24 inkar niin, kum 25-34 inkar 33.30% leh kum 35-49 inkar 60% an ni a; kum 14 hnuai lam leh kum 50 chung lam hmuh chhuah thar an awm lo.