MUP-in inkhawmpui an hmang

Mizoram Upa Pawl (MUP) chuan nimin khan Vanapa Hall-ah General Assembly vawi 51-na an hmang a, Social Welfare, Women & Child Development secretary Lalzarmawii'n a hmanpui.

Lalzarmawii chuan, Mizoram sorkarin Old Age Pension (tar pension) Rs 1,000-in a tihpun thu sawiin, "Ministry of Tribal Affairs hnuaia MUP Gen. Hqrs enkawl tur Multi Service Centre, Zemabawka sak mek chu tihpuitlin vat theih ka beisei. Social Welfare department hnuaia Ainawn Venga Old Age Home tihchangtlun zel nan hmalak a ni dawn," a ti.

MUP hian kum 2025 khan mi 10 hnenah kum 100 tlin lawmpuina an hlan a; kum 2010-2025 chhungin mi 236 hnenah an hlan tawh. MUP-ah hian member 70,102 an awm mek a ni.