KHAWTHLIR

Heroin man

Kolasib-a Police Special Narcotics Operation Team leh Bilkhawthlir YMA te ṭangho chuan April 28, Thawhlehni zan khan Bilkhawthlir huam chhungah ruihhlo vai beihpui an thlak a; Mangbawia (47), Bilkhawthlir Kharzawl hnen aṭangin heroin gram 568.31 (hawng 50) an man. Vairengte Police Station-ah thubuai ziah luh a ni.

ZMCH-ah TB zirho

Zoram Medical College & Hospital (ZMCH) hnuaia Scientific Forum leh National TB Elimination Programme (NTEP), Mizoram ṭang dun chuan nimin khan ZMCH Lecture Hall-ah 'Scientific session April 2026 & NTEP sensitisation programme' an buatsaih a; ngawt (TB) ûm bona tura thil pawimawhte zirho a ni.

Pakhatna lawmpui

HSLC 2026-a pakhatna Rachel Biakthapari d/o Salai Chanuk, East Lungdar chu bialtu MLA Lalmuanpuia Punte-in nimin khan a pisaah lawmpuina thilpek a hlan. Hrangturzo bial MLA chuan, HSLC-a ti 'ha berah thingtlang mi an tam loh thu sawiin, "Ka bial chhung mi hetiang dinhmun ni thei an awm hi ka lawmpui a, a zir chhoh zelnaah mamawh leh ṭanpui ngaihna, kan tih ve theih awmah kan tlanchhe lo ang," a ti.

Ngawr inhrilhfiah

Central TB Division-in TB 100 Days Campaign second phase a kalpui mekah Champhai District TB Centre-a thawkte chuan April 28, Thawhlehni khan Khawzawl Higher Secondary School-ah TB Awareness Campaign an an buatsaih a, zirlai 120 leh zirtirtu 12 ten ngawr an vei leh vei loh an endik nghal. Champhai District TB Centre hian Khawzawl district an la huam a, Chawngtlai leh Tualte khuaa sikulahte TB awareness leh screening an lo buatsaih tawh a ni.

AR Medical Camp

Assam Rifles chuan April 28, Thawhlehni khan Vaphai khuaah Free Medical Camp an buatsaih. Camp-ah hian tualchhung mi 150 vel inentirin, AR doctor-te'n an hriselna dinhmun an enfiah a; an mamawh ang damdawite a thlawnin an pe bawk.