Mizoram Grand Challenge khâr a ni

Planning & Prog-ramme Implementation department buatsaih Mizoram Grand Chal-lenge chu nimin khan Bible Society of India hall-ah a hmawr bàwk a ni a; Planning Board vice chairman Dr Kenneth Chawngliana'n hmanpuiin, category hrang hranga ti ṭhate hnenah lawmman a hlan.

Mizoram Grand Challenge hi thil thar inruahmansiak (innovation competi-tion) a ni a; a duh apiang tel theihna (open category) leh college zirlaite tan bika intihsiakna (college category)-ah ṭhen niin, team 28 aṭangin mi 112 an tel.

Open category-ah Kut Hnathawktute Ṭhian, Haulawng (Soil Amendment and Marketing of Ginger) pakhatna an ni a; college category-ah Blue Hills, Zirtiri Residential Science College (Mizoram Digital Tourism Eco System) pakhatna an ni.

Team tin hian inelna tur (challenge area) thlan sa pariat – agriculture, hand-loom & handicraft development, tourism development, urban & infrastructure, edu-cation, health, envi-ronment leh climate Change-te aṭangin an duh ber pakhat an thlang. An thlante chu an zir chian hnuah a chinfel dan tur an ruahman a, chu chu mithiamte hmaah an sawifiah a, category tin aṭangin a ti ṭha zual pali ṭheuh final-ah an inel leh a ni.

Lawmmanah pakhatnain Rs 1,00,000, pahnihnain Rs 70,000, pathumnain Rs 50,000 leh palinain Rs 30,000 an dawng.