MIFCO documentary film tlangzarh

Kum hnih kal ta chhunga Mizoram Food & Allied Industry Corporation (MIFCO) hmalakna hrang hrang dahna documentary film siam thar chu nimin khan Commerce & Industries secretary Dr H Lianzela'n a pisaah a tlangzarh.

MIFCO documentary film hi minute 20-a thui a ni a; Mizorama lakhuihthei leh sapthei chìn uarna - Chawngtlai, Khawihai, Sialhawk leh New Chalrang khuaa kut hnathawktute hmalak dan leh MIFCO-in a buaipui dan te, Chhingchhipa MIFCO-in thei leh thlai chi an buaipui dan te, Bûng Banglaa sa sawngbawl dante tarlan a ni.

Documentary film tlangzarhna inkhawm hi MIFCO general manager H Lalrochama'n a kaihruai a; Dr H Lianzela chuan, Mizoram sorkarin Agriculture sector a dah pawimawh a, hma a la nasa tih sawiin, "A bikin lakhuihthei leh sapthei chingtu beidawng tawhte'n beiseina thar an nei hi ka lawm tak zet. Mizoramah khualzin an rawn pung zel dawn a, Mizoram ti-Mizoram theitu tur, kan economy thlenga tisang thei tur kan ngaihtuah a ngai a ni," a ti.

MIFCO chairman Lalṭhazuala Rawite pawhin thu sawiin, "MIFCO hmang hian nasa takin ram siam danglam an tum. Hmachhawp kan nei a, rawtuai leh baibíng ṭîn siam chhoh kan tum a, hmalakna hmasa atan lakhuihthei leh sapthei tui, plastic bottle-teah in mai theih dawr hrang hranga zawrh tur kan siam dawn a ni," a ti a; Mizo kut hnathawktute chu kaihhruai thiam chuan an taimak thu a sawi.