Mizoram CSR Matchmaking Portal enkawl dan tur pawm

Mizoram sorkar hnuaia CSR Cell, Planning & Programme Implementation leh Information & Communication Technology department hotute chu April 28, Thawhlehni khan adviser to CM TBC Lalvenchhunga hoin an pisaah an ṭhukhawm a; Mizoram CSR Matchmaking Portal enkawl zui zel dan tur an rêl.

Ṭhutkhawmah hian, Planning & Programme Implementation department-in Mizoram CSR Matchmaking Portal enkawl dan tur a duan chu siamthat a nih hnuah an pawm a; Mizoramin corporate social respon-sibility (CSR) tam zawk a hai luh theih dan tur leh central public sector undertaking-te nen ṭha zawka inthlun zawm theih dan tur an sawiho bawk.

CSR hnuaiah Mizoram tana sum pe tur leh a dawngtu turte awlsam zawka an inbiakpawh a, hna an thawhho theihna atan Matchmaking Portal Mizoram CSR Connect siam a ni.