Tlabungah Sangha Man Rûnpui huaihawt

April 28-29, 2026 chhungin Khawthlangtuipuiah Sangha Man Rûnpui (Community Fish Harvesting) huaihawt a ni. Nimin khan kharna inkhawm buatsaih a ni a, Fisheries secretary Lalrothanga'n hmanpuiin, nghakuai chiah inelnaa ti ṭhate hnenah lawmman a hlan.

Sangha Man Rûnpuiah hian mi ṭhahnem tak an tel a, sangha an man zawng zawng belh khawm chu kg 151 niiin, man len ber chu kg 9.720 a ni. Sangha man rûnpui hi vawiinah pawh chhunzawm leh tum a ni.

Fisheries Secretary hian nimin khan Tlabung YMA Rûnah Tlabunga sangha vulhtute leh dil neitute a kawm a, an harsatna a sawpui. Dila tui tling thei lo chungchang te, sangha chi ṭha neih dan tur te, sangha mantute ṭanpui dan tur leh sanghaa intodelhna tura inzirtir dan turte sawiho a ni.

Lalrothanga chuan, Tlabungah automatic water level tehna dah dan tur thlir zui a nih tur thu leh, hmasawn turin kut hnathawktute rilru puthmang dik a pawimawh ber thu a sawi.