CE-in Mamit district-a tui lakna enfiah

Public Health Engineering chief engineer Lalropuia chuan April 29, Nilaini khan Mamit district-a Zomuantlang khua a tlawh a, Jal Jeevan Mission (JJM) hnuaia hnathawhte a endik.

PHE Chief Engineer hi Zomuantlang khawtlang hruaitute nen an inkâwm a, tuithianghlim hnianghnar taka an neih zel theih nana hmalak zel dan tur sawiho a ni a; WATSAN Committee-in ṭha taka an tui lakna an enkawl avangin lawmawm a tih thu CE chuan a sawi.

Lalropuia hian nimin khan Augmen-tation of Greater Mamit Water Supply Scheme (Part-I), NESIDS hnuaia thawh a en nghal a; hmabak la awmte sawiho niin, electric motor hmanga tui pump-na endik theiha March 2026-a peih tawh chu a hma lama hawn (testing and commissioning) dan tur rel a ni.

PHE CE hian Tut lui tui pump-na tur Augmentation of Greater Mamit WSS (Part-II) pawh a tlawh bawk a; hei hi kum 2022-a thawh zawh tawh, kum 2024-a Cyclone Remal-in a tihchhiat vanga hman theih loha awm zui a ni.