Kolasib dist-ah kuminah ruih theih thil vangin mi 22 man an ni tawh

Kolasib district police-te chuan kumin chhungin ruihhlo cheng nuai 2,622 hû leh cheng nuai 13 hû zu an man tawh a; ruih theih thil an mante kaihhnawihah hian mi 22 manin, thubuai 14 an ziak lut.

Kolasib district bawrhsap H Dolianbuaia hoa nimina District Level NCORD ṭhutkhawma tarlan danin, Kolasib police-te'n kumin 2026 chhung hian heroin (No. 4) gram 1,364.82 hu man tawhin, Rs 26,22,70,950 hu a ni a, heroin man kaihhnawihah mi 12 manin, thubuai pasarih an ziak lut a ni.

Kumin chhung vekin zu - Indian made foreign liquor litre 2,214, beer litre 1,227 leh foreign made liquor litre 37 an man tawh a, Rs 13,73,980 hu a ni a, zu kaihhnawihah mi 10 manin, thubuai pasarih an zial lut.

Ṭhutkhawmah hian Kolasib district-a ruihhlo darh zel tur ven dan tur leh ruihhlo donaa hmalak dan tur an ngaihtuah a; khaw tinah village task force din ni se, an ti. Village task din turin Kolasib khawpui chhungah chuan SP-in ruahmanna siampui se, thingtlangah chuan BDO leh police bakah, khawtlang hruaitute din turin an dah.

Ruihhlo ṭhat lohzia uar taka puanzar an rêl a' district education officer (DEO) hmalaknain sikul hrang hrangah education Aawareness buatsaih ni se an ti bawk.