Mamit dist-ah thubuai 51 ziak lut tawh

Mamit superintendent of police Manny Bushan Singh hoin nimin khan SP conference hall-ah police hotute'n district conference an hmang. Rûkrûk leh sualna hrang hrang tihrêm dan tur sawiho a ni a; kumina Mamit district-a thubuai 51 ziah luh tawh zingah rûkrûk thubuai a tam ber tih tarlan a ni.

Manny Bushan Singh chuan, kuminah Mamit district-ah police-in thubuai 51 an ziah luh tawh thu sawiin, "Rûkrûk thubuai a tam ber. Thubuai 51 zinga 29 hi chargesheet thehluh tawh a ni a, thubuai dangte hi chhui mek leh chargesheet theih mai turte a ni. Rûkrûk hluar mekah zan leh chhun reh lai te, Pathianniahte patrolling kan uar a ṭul a, police-in portal hrang hrang kan neihte kan hman ṭangkai a ngai," a ti.

Thi lrutu chauh hrem lo a, rûk ngei a ni tih hre chunga lo leisaktute hrem tel a ṭul thu sawiin Mamit SP chuan, "Dan thar hriat a ṭul a, dan thar chungchang te, rûkrûk leh sualna dang hluar mek laka mipui himna turte mipuiin an hriat zau theih nan awareness campaign kan uar a ṭul," a ti a; police-te chu mipui rawngbawltu an nih angin, an hnen pantute hawihhâwm taka dawngsawng a, an harsatna sukiang tura theihtawp chhuah ṭhin turin a chah.

Ṭhutkhawm hi additional SP C Lalbiaksiami'n a kaihruai a; Mamit district-a SDPO te, police station hrang hranga officer in-charge te leh investigating officer te an tel a ni.