Larsapin Delhi War Conference a hmanpui

Khawvel Indopui Pakhatna hun laia India aṭanga British ṭanpui dan tur ngaihtuaha inrâwnkhawmna, 'Delhi War Conference' hriat reng nan April 30, Ningani khan Delhi Vidhan Sabha-ah '108th Anniversary of the Historic War Conference 1918' buatsaih a ni a, Governor Gen. Vijay Kumar Singh-a'n a hmanpui.

Conference symposium-ah Gen. VK Singh chuan thu sawiin, "Sipai dik takin lawmman a ûm ngai lo. Mawhphurhna, zahawmna leh inpekna te hmangin ram tana thil ṭha thlen turin a bei zawk ṭhin. Indopui Pakhatnaa thawh hlawk tak India-in a phû anga hriat a hlawh tâwk lo. Sipai nuai 13 chuang tirh chhuah zinga 74,000 dáwnin an thih phah a, hengte hi India Gate-ah hriat reng tawh turin a chuang a ni," a ti.

Larsap chuan, India chuan mihring mai bakah, sum leh pai leh hmanraw mamawh hrang hrang pawh ram dang awpna hnuaia awm chungin a tum sak ṭeuh thu a sawi a; Indopui Pakhatna vanga India sipai thite chu zah taka hriat reng an nih tawh tur thu a sawi bawk.

Inkhawmpuiah hian thupui chu 'Pratham Vishvayudh aur Bharat (Khawvel Indopui Pakhatna leh India)' tih a ni a; Larsap Gen. VK Singh chuan hriatrengna lehkhabu 'Proceed-ings of the War Conference held at Delhi, 27th-29th April 1918,' tih a tlangzarh a ni.